angham elnogoom مشرفه قسم
عدد الرسائل : 5583 تاريخ الميلاد : 01/03/1991 العمر : 33 الموقع : 1 العمل/الترفيه : 1 المزاج : قشطة التاريخ : 1/3/1991 نقاط : 11111 تاريخ التسجيل : 18/09/2008
| موضوع: كل اللي عايز تعرفه عن قسم جغرافيا(خاص بالطلاب الجدد) الجمعة أكتوبر 02, 2009 8:12 pm | |
| الفصل
الدراسي: |
المادة الدراسية: |
الأول: | الجغرافيا الطبيعية,مبادئ الخرائط
الجغرافيا البشرية,مبادئ الاقتصاد
تاريخ إسلامي,حضارة فرعونية
مشكلات بيئية 1
تربوي وثقافي |
الثاني: | الجغرافية الاقتصادية+إحصاء
جغرافيا أفريقيا الإقليمية وحوض النيل,أرصاد جوية
جغرافيا تاريخية,جغرافيا السياحة
حقوق انسان
مقررات تربوية |
طبعا احنا شوفنا ايه مواد التخصص اللي ها ندرسها خلال ترمين وتقريبا كل محتوي مادة باين من العنوانبداية كدة الجغرافيا عامة بتنقسم لفرعين:1.جغرافيا طبيعية ,2.جغرافيا بشريةالجغرافيا الطبيعية بيندرج تحتها كذة مادة ومن اسمها هي الدراسة فيها بتعتمد كتير علي طبيعة الأرضعشان كدة هي مادة أساسية في سنة اولي عشان نتعرف علي محتواها وإيه هي طبيعة الدراسة في المواد الطبيعية ومادة الجغرافيا الطبيعية في التيرم الاول أشبه بنسبة كبيرة من الجيولوجيا اللي درسناها في الثانوية العامةوعشان نفهم اكتر المادة دي عملنا رحلة ميدانية في القسم لحمام فرعون في شبه جزيرة سيناء يوم واحد والرحلة دي شوفنا فيها عالطبيعة ظواهر كتيرة في منهج مادة الجغرافيا الطبيعية والمادة دي لذيذة جدا ولازم تتفهم كويسمن سنة اولي لان ليها تكلمة في سنة تالتة في مادة اسمها (جيومورفولوجي).بالنسبة لفرع الجغرافيا البشرية بيندرج تحتها برضه مواد كتيرة أهمها الجغرافيا البشرية نفسها واللي هي وجه العملة للجغرافيا الطبيعية ,الجغرافيا البشرية عامة بتتكلم عن النوعية البشرية يعني زنوج أو قوقازيين بتتكلم عن الحرف اللياستحدثها الإنسان بداية من اكتشاف النار والجمع والالتقاط والصيد لحد الزراعة والصناعة والتجارة ..وفي كزة مادة بتندرج تحت الجغرافيا البشرية زي مادة الاقتصاد ودي زي مادة الثانوية العامة بس دراستها بتكون بتوسع شوية .ودة شرح مبسط عن فرعين الجغرافيا الأساسيين.لما نتكلم بقي عن مادة المشكلات البيئية دي برضه مادة تشبه علوم البيئة اللي اخدناها في الثانوية العامة ومن اسمها بندرس فيها المشكلات الخاصة بالبيئة زي التلوث بأنواعه وثقب الأوزون وتجريف التربة و.....ومادة مبادئ الخرائط مادة بسيطة جدااا بس بتدخل فيها شوية حسابات بسيطة وبكل بساطة المادة دي يمكن مش هاترسم فيها خريطة واحدة بس وظيفتها انها تعلمك ازاي تقرا خريطة ازاي تعمل مقياس لخريطة ويعني ايه الخريطة دي ووايه الفرق بين الشمال والجنوب القطبي والشمال والجنوب المغناطيسي اللي عليأساسه بنستخدم البوصلة وبنعرف برضه ازاي نستخدم البوصلة ..وفي انطباع خاطئ عن الجغرافيا انها مادة خرائط فقط,بالعكس لما تخلص السنة كاملة هاتحس انك درست في مجالات عديدة في الطبيعة أو في مجالات البشر المختلفة .ومواد التيرم التاني نلاقي من التخصصات الطبيعية مادة الأرصاد الجوية انت ممكن تخاف منها شوية لأنها ساعات بنحس ان فيها شغل فيزيا شويةبس علي بسيط طبعا بس الميزة اللي فيها انها دراسة شيقة ولو هويت الحكاية دي ممكن تلاقي نفسك بتمشي بتفسر الظواهر الجوية اللي بتشوفها.والجغرافيا التاريخية من ضمن المواد اللي مصنفة طبيعيا فهي بتدرس التطور التاريخي للانسان ماقبل التاريخ علي سطح الأرض وإنجازاته واكتشافاته وتأثيرها في الطبيعة اللي عاش فيها وعشان نطبق المادة دي في الطبيعة روحنا رحلة للفيوم كنموذج للحضارات وطبعا حضارة الفيوم حضارة مشهورة في المجال الطبيعي, وفي جغرافيا اقتصادية وتطور الاقتصاد وازاي ارتبطت بالجغرافيا والفرق بينها وبين جغرافيا التجارة والمادة دي مرتبطة بمادة الإحصاء للارتباط التاريخي بينهم ومنهج الاحصا دة اللي نقول عليه انه بالظبط زي منهج الثانوية العامة بس ممكن تكون في إضافات جديدة.وفي جغرافية افريقية وحوض النيل وبندرس فيها موقع قارة افريقية واهيمتها واهم الدول فيها في المجالات المختلفة ومستواها بالنسبة للعالم فيمجالات مختلفة والمشاكل المرتبطة بالاقليم الافريقي ودول حوض النيل واسهامتهم ومشاريعهم علي نهر النيل.وجغرافيا السياحة دي من اسهل الموادبتعرف فيها معني السياحة والفرق بينها وبين انشطة الترويح وأنواع السياحة والترويح .ودة بالنسبة لمواد التخصص علي مدار السنة كلها.في مواد تربوية وثقافية هنلاقي مثلا التيرم الاول بندرس تاريخ إسلامي وحضارة فرعونية ومواد التربوي في االتيرمين بتبقي زي تاريخ التربية والتعليم والمعلم ومهنة التعليم وعلم نفس النمو وفي مادة كل تيرم بتبقي مقرر خارج عن التقدير زي حقوق الانسان التيرم التاني.وطبعا للمواد التربوي أهمية ولازمنعاملها باهمية زي مواد التخصص بالظبط لانها مواد اساسية في كلية تربية.لو اتكلمنا عن مجالات العمل المتاحة لخريجي قسم جغرافيا كلية تربية هانلاقيها متنوعة علي عكس ماكل الناس عارفةاولها مهنة التدريس ومعروف انه بعد سنتين الجغرافيا هاتبقي مادة اساسية في الثانوية العامة ,ممكن كمان تعمل دبلومة في هندسة المساحة وتشتغل مهندس مساحة ومتاح ليك بشهادك انك تشتغل في وزارة الإسكان والزراعة والعمل في هيئة الارصادالجوية واهم حاجة العمل في نظم المعلومات والاستشعار عن بعض ودي ليها مستقبل هايل في مصر وبرة مصر لأهميتها وعشان تعرفوا اكتر عن قسم جغرافيا تعالو علي أسرة النجوم هاتلاقوني هناك وكل سنة وانتو طيبين. | |
|
memo_elrefaey عضو جديد
عدد الرسائل : 16 تاريخ الميلاد : 17/12/1990 العمر : 33 الموقع : http://elsha3er.nojoumarab.net/ العمل/الترفيه : سيبها لله المزاج : مزاج عالى اوى التاريخ : 8/3/2010 نقاط : 5180 تاريخ التسجيل : 08/03/2010
| موضوع: رد: كل اللي عايز تعرفه عن قسم جغرافيا(خاص بالطلاب الجدد) الثلاثاء مارس 09, 2010 8:34 am | |
| معلش انا من جامعه طنطا عاوز اعرف المواد المقرره فى الترم الثانى للفرقه التانيه 2010 | |
|