| | الحلقة الرابعة مع عبد المنعم... ياسمين و الناس التانــيين |  |
|
|
| كاتب الموضوع | رسالة |
|---|
JasMinaa
مشرفه قسم
  
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5735
تاريخ التسجيل : 14/09/2008
 | موضوع: الحلقة الرابعة مع عبد المنعم... ياسمين و الناس التانــيين  الأحد أبريل 19, 2009 11:26 pm | |
|
مساء الخير عليكو يا نجوم
حد هيسألنى هوا ليه مساء و مش صباح
هقوله .. عشان طبعا إحنا نجوم و مش بنظهر غير بالليل
و بعد غياب طويل (أصلنا كنا بنغير الديكور عشان يتناسب مع لون توكة الشنطة بتاعتى )ياريت يعجبكو بقا
المهم
أنا معايا النهاردة ضيف سيبشيال أوى و محبوب فالمنتدى
هنحاول نعرفه أكتر و أكتر و نفك هالة الغموض اللى حواليه
برحب برابع ضيف معايا و هوا
عبد المنعم
طبعا مايتخيرش عن الضيوف اللى قبله
منعم أنت منور البروجرام و فى البداية يا ريت تعرفنا بنفسك
أسمك و سنك و ساكن فين و بتدرس ايه ؟؟
لو عندك هوايات تقولهالنا برده ؟
يا ترى أنت اللى أختارت كليتك ؟ و لو لأ كان نفسك تدخل ايه ؟؟
أوصفلى كده شخصيتك من وجهة نظرك ف جملة أو كلمة ؟
لما تتخرج نفسك تكون ايه و ليه ؟
عوزاك تاخد راحتك على الآخر ولا يهزك
لو مش عاجبك الكرسى نغيره
دلوقتى بقا
عوزاك تقولى كام شخصية بتعتبرهم مثلك الأعلى ؟؟
يا ترى ليك أصحاب ؟ و مين هما و هل هما كتير ولا لأ ؟
و كام شخصية أنت معجب بطريقة تفكيرهم ؟؟
أنت عمرك شوفت حد كده لأول مرة و حسيت أنك عارفه أو على الاقل عاوز تعرفه ؟
مونعم
أنا مش أعرفك أوى و عمرى مكلمتك شخصيا
عشان كده
هسألك سؤال غريب شويه جيه فبالى و لو مش عاوز تجاوب اتس أوكى براحتك
عمركشى كده فكرت و قولت لنفسك هوا أنا عايش ليه ؟؟
و كمان سؤال أغرب
قولى علاقتك ايه بشخصية منعم ف فيلم اسماعيلية رايح جاى لما الحلاق بيقولو يا مونعم ؟
أحم أحم
نرجع مرجعنا
بالنسبة للبيت و الأسرة بيمثلولك ايه ؟
عندك أخوات ؟
طيب كلمنا كده عن طموحاتك ؟؟
بالنسبة للحب .. حبيت قبل كدا ؟
لو فكرت ترتبط ببنت .. هتكون مواصفاتها ايه ؟
منعم عاوزة أقولك أن الحلقة لسه فالبداية و أنا شخصيا مستمتعة بالحوار معاك
و قبل منطلع لفاصل و تشرب العصير
ياربت تقولنا موقف مضحك حصلك ؟
و عشان النكد نديله حقه .. احكيلنا موقف كئيب برضه مفيش مانع ؟
آه صحيح
أنت ايه رأيك فالديكور و التوكة بتاعة الشنطة ؟؟
هههههههههههههههههههه
فاااصل و راجعين
[/b] | |
|
 | |
abdelmen3em
عضو ملكى
  
عدد الرسائل : 1157
تاريخ الميلاد : 03/03/1992
العمر : 32
نقاط : 5940
تاريخ التسجيل : 26/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الإثنين أبريل 20, 2009 3:12 am | |
| مساء الخير عليكو يا نجوم
حد هيسألنى هوا ليه مساء و مش صباح
هقوله .. عشان طبعا إحنا نجوم و مش بنظهر غير بالليل
و بعد غياب طويل (أصلنا كنا بنغير الديكور عشان يتناسب مع لون توكة الشنطة بتاعتى )ياريت يعجبكو بقا
المهم
أنا معايا النهاردة ضيف سيبشيال أوى و محبوب فالمنتدى
هنحاول نعرفه أكتر و أكتر و نفك هالة الغموض اللى حواليه
برحب برابع ضيف معايا و هوا
عبد المنعم
طبعا مايتخيرش عن الضيوف اللى قبله
مساء النور و اهلا بيكي و انا مبسوط جدا انك مستضيفاني معاكي
و بالنسبة للهالة صعب تتفك لان انا نفسي مش عارف افكها
بس هانحاول برضه
منعم أنت منور البروجرام و فى البداية يا ريت تعرفنا بنفسك
أسمك و سنك و ساكن فين و بتدرس ايه ؟؟
عبد المنعم ابراهيم
17 سنه و شهر و كام يوم
ساكن بين المطرية و عين شمس بس ولائي لدولة المطرية طبعا
و بدرس في كليه تجاره عين شمس
لو عندك هوايات تقولهالنا برده ؟
بحب اكتب شعر
و ساعات مقالات صغيرة كده
و بحب التمثيل جدا
يا ترى أنت اللى أختارت كليتك ؟ و لو لأ كان نفسك تدخل ايه ؟؟
لا ماخترتش كليتي
بس كنت حاطط خطتين
خطة أ كان فيها هندسه او حاسبات و معلومات او ألسن
و خطه ب كان فيها تجارة
و الظروف خليتني امشي في طريق الخطه التانيه طبعا
أوصفلى كده شخصيتك من وجهة نظرك ف جملة أو كلمة ؟
شخصيه غريبه و احيانا معقده
لما تتخرج نفسك تكون ايه و ليه ؟
نفسي اشتغل شغل حر
و اكون انا اللي بحرك نفسي
و احرك ناس تحت ايديا و اخلي عندهم برضه نفس الفكره بعد كده
لاني اولا بحب ان الواحد يكون حر نفسه
و ثانيا بحب ان لو حد عنده فكرة حلوة و مفيدة ينقلها لغيره بشكل يخليه يحبها
بس لسه ماحددتش ايه هو بالظبط اللي نفسي اشتغله
لاني كنت معلق امل كبير علي الخطه أ
و مش شرط برضه يكون حاجه متعلقه بدراستي
عوزاك تاخد راحتك على الآخر ولا يهزك
لو مش عاجبك الكرسى نغيره
لالالالالالالالالالالالالالا
الكرسي حلو و مريح جدا
كفايه ان انتي اللي جايباه طبعا
دلوقتى بقا
عوزاك تقولى كام شخصية بتعتبرهم مثلك الأعلى ؟؟
انا ماعنديش مثل اعلي
بس فيه شخصيات بتعجبني مواقفهم و ارائهم
زي الملك فاروق لانه اول ملك مصري حاول يخرج الانجليز من مصر حتي لو بالتفاووض و ماكانش متواطئ معاهم بس التاريخ ظلمه
و كمان رجال الثورة لانهم غيروا مستقبل البلد للاحسن
رغم ان كان ليها سلبيات بس برضه البلد استفات منها
يا ترى ليك أصحاب ؟ و مين هما و هل هما كتير ولا لأ ؟
صحابي كتير اوي زي مجد و ميمي و محمود حسن و ناس تانيه كتير و ناس من عندنا في الكليه برضه زي خالد و كمان عز و فيه طبعا ياسمين و اكيد استاذة دينا و مني و ناس كتير اوي
و كام شخصية أنت معجب بطريقة تفكيرهم ؟؟
شخصيتين
ماما و خالو
لان ماما عندها القدرة انها تحل المشاكل بطريقة ترضي كل الاطراف
وبشكل يدي احساس لكل طرف انه طالع كسبان حتي لو خلاف عبيط جدا
و خالو لانه بيحاول يوازن في حياته بشكل كبير من جميع الجوانب و ناجح في ده
أنت عمرك شوفت حد كده لأول مرة و حسيت أنك عارفه أو على الاقل عاوز تعرفه ؟
ايوة
مجد اول ما شوفته حسيت كده
اني اعرفه قبل كده و اني عايز اتكلم معاه و اعرفه اكتر
و يمن اول مره اقول حاجه زي كده خالص
بس جات علي بالي و افتكرتها
كنا في تانيه اعدادي بقي
ايام الله لا يعودها
و حد تاني برضه كان كده | |
|
| | |
abdelmen3em
عضو ملكى
عدد الرسائل : 1157
تاريخ الميلاد : 03/03/1992
العمر : 32
نقاط : 5940
تاريخ التسجيل : 26/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الإثنين أبريل 20, 2009 3:27 pm | |
| مونعمأنا مش أعرفك أوى و عمرىمكلمتك شخصياعشان كدههسألك سؤال غريب شويه جيه فبالى و لو مش عاوز تجاوب اتس أوكىبراحتكعمركشى كده فكرت و قولت لنفسك هوا أنا عايش ليه؟؟
الانسان بيعيش عشان هدف عايز يحققه طبعا و الا مايستحقش يكون انسان
بس فيه اهداف قصيرة المدي و اهداف طويلة المدي زي الصواريخ بالظبط
يعني انا هدفي من سالة ما دخلت مدرسة لحد ما اخلص الكلية اني اتعلم كويس و اكون انسان متعلم و فيه فرق بيني وبين الانسان اللي مش متعلم
بس هدفي الاساسي اني اعيش حياتي بالشكل اللي انا عايزه و ده بيشمل حاجات كتير اوي
يعني اني اعيشها بالشكل اللي راسمه في خياليو كمان سؤال أغربقولىعلاقتك ايه بشخصية منعم ف فيلم اسماعيلية رايح جاى لما الحلاق بيقولو يا مونعم؟
علاقتي اني كنت شبه محمد هنيدي و انا صغير
وبحب الفيلم ده جدا عشان ممد فؤاد برضهأحم أحمنرجعمرجعنابالنسبة للبيت و الأسرة بيمثلولك ايه؟
البيت هو المكان الوحيد اللي بكون مرتاح فيه
و الاسرة بتمثلي الناس اللي ضامن انهم بيحبوني مهما حصل
و ده بقي سواء فيه مشاكل في حياتي او مع حد من الاسرةعندك أخوات ؟
عندي محمد في 3 حقوق عين شمس
و مروة في 4 ابتدائي
بس ده بيتعبني اني في النص كده
عشان لازم احترم اخويا الكبير
و اكبر دماغي مع اختي الصغيرة بس مش مشكلة اخواتي برضهطيب كلمناكده عن طموحاتك ؟؟
طموحاتي اني الاقي البنت اللي هاكمل معاها حياتي
و نكبر مع بعض و نتقدم سوا
و عايز اجيب ولد و بنت و كفايه كده
عشان مابحبش الدوشة و كده بس ممكن اجيب واحد كمان مش شرط بقي ولد او بنت
بس انا متفق مع نفسي ان طموحي هايموت بموتي
بالنسبة للحب .. حبيت قبل كدا؟
كنا ماشيين كويس
ليه كده بس؟ههههههههههههه
انا حبيت مرتين قبل كده
و الحمد لله
فشلوا هما الاتنين
بس انا مش ندمان لاني استفدت من كل ده
و عرفت الناس اكتر و الامور بقيت اوضحلو فكرت ترتبط ببنت .. هتكون مواصفاتها ايه؟
اكون بحبها عشان بحبها و بس
و هي برضه تكون كده
و الجئلها وقت ما اكون متضايق
و تكون مالية عيني و انا اكون مالي عينها
و تكون متفهمة و دماغها كبيرة و ماتخلينيش احس اني قاعد مع طفلة
و تكون واثقة اني بحبها هي و بس
و انا مش مرتبط علي فكره
ولو فيه اي بنت حلوة عايزة ترتبط بيا تجيلي بعد البرنامج تاخد رقم تليفونيمنعم عاوزة أقولك أن الحلقة لسه فالبداية وأنا شخصيا مستمتعة بالحوار معاكو قبل منطلع لفاصل وتشرب العصيرياربت تقولنا موقف مضحك حصلك ؟
مرة كنت انا و اصحابي في وقفة العيد الصغير قاعدين علي القهوة و طلعت في دماغنا نركب توك توك
فركبناه و كنا 5
فيه 3 قعدوا ورا
و اتنين جنب السواق
و قعدنا نغني بقي و نهيص
و كان هايتقلب بينا كذا مرة بس ماتقلبش يا خسارة و الناس كانت بتبص علينا بقي
بس السواق اكيد شتمنا في سره بعد مانزلنا وعشان النكد نديله حقه .. احكيلنا موقف كئيب برضهمفيش مانع ؟
ههههههههههههههههه
حاجة نكد من عينيا
مرة كنت بقول لبنت كنت انا بحبها اني هابعد عنها
مع اني ماكنتش عايز كده ولا هي كمان
بس الموقف كان غاية في التعقيد و حاجة صعبة يعني
بس بعد كده الامور وضحت اكتر
بكتيييييييييييييييييييييييرآه صحيحأنت ايه رأيك فالديكور و التوكة بتاعة الشنطة ؟؟ههههههههههههههههههههالاتنين احلي من بعض
بس البرنامج احلي بكتير و انا مستمتع بيهفاااصل و راجعين | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5735
تاريخ التسجيل : 14/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الثلاثاء أبريل 21, 2009 3:34 am | |
|
ورجعنا اعذائى النجوم من جديد و مكملين
كويس أن الديكور و التوكة عجبوك أصلى بصرف ع البروجرام جامد و من جيبى الشخصى
المنتج اتخنق من ساعة حلقة ياسمين فاروق و سابنى كده
ماعلينا
بناء على كلامك يا منعم
واضح جدا أنك متعدد المواهب و ديه حاجة مبشرة
طيب حاولت تنمى مواهبك و تكبرها ؟؟
ياترى بتحب مين من الشعراء ؟ و ايه نوع الشعر اللى بتألفة ؟
و عشان الجانب الموسيقى ياخد حقه معانا .. كلمنا عن نوع الميوزك و المطربين المفضلين عندك ؟
بالنسبة لكلامك عن المثل الأعلى أنا طبعا بحترم جدا أختياراتك و بحييك عليهم ( أنا معاك فالاختيار ) بس
أنت أختارت شخصيات تاريخية .. طب ليه مش اخترت حد من الوقت الحاضر أو أشخاص محيطين بيك من الأهل أو الصحاب ؟
أنت شايف أن الحب فالثانوى ده حب بجد ؟
أنت ايه رأيك طيب فمشاكل الحب و الارتباطات اللى منتشرة ؟
لما تفكر ترتبط ببنت و تخطبها إن شاء الله فالمستقبل .. هل هيبقا جواز صالونات و لازم تكون بنت أنت عارفها قبل كده ؟
عوزاك كده تقولى لما بتشوف حد لأول مرة .. يا ترى بيلفت نظررك فيه ايه سواء ولد أو بنت ؟
ايه رأيك بقا ف المظاهر ؟
بما أنى مذيعة غريبة
اسمحلى أسألك سؤال عجيب ضرب فدماغى على حين فجأة
على فكرة الاسئلة الغريبة بتاعتى أوبشنال مش اجبارى يعنى .. براحتك لو محبتش تجاوب
يعنى أنا مهتمة شوية بهتلر و أعماله .. و واضح من كلامك أنك بتهتم بالشخصيات التاريخية المؤثرة
طيب يا ترى أنت ايه رأيك فى هتلر ؟
كمان سؤال
القرآن الكريم طبعا كلو جميل
أنت لما بتقرأ قرآن ايه أكتر سورة أو آيه بتريح قلبك و بتستريح لما تقرأها ؟
تعالى نتكلم شوية عن الرياضة
فالأول عاوزة أعرف رأيك و مفهومك عن الرياضة عموما ؟؟
أنت بتمارس رياضة معينة ؟ لو آه .. ايه هيا ؟
بالنسبة لكرة القدم طبعا .. بتشجع مين ؟
صحيح
قولى كده رأيك فالمنتدى ده .. بس من غير مجاملات ؟
ايه نوع التوبيكس اللى بتشدك عشان تقرأها ؟
دلوقتى قبل منطلع للفاصل عوزاك تهدى أغانى لأشخاص
يعنى مثلا تقول أحب الاغانى لقلبك و تهديها لكذا و كذا ؟ أو تقول مثلا الاغنية ديه لايقة ع الشخص ده ؟
نداء للبنات الحلوين
على فكرة رقم منعم فالكنترول
هههههههه
هنضطر نطلع تانى فاصل
أبقوا معنا
| |
|
| | |
abdelmen3em
عضو ملكى
عدد الرسائل : 1157
تاريخ الميلاد : 03/03/1992
العمر : 32
نقاط : 5940
تاريخ التسجيل : 26/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الثلاثاء أبريل 21, 2009 7:59 pm | |
| ورجعنا اعذائى النجوم من جديد و مكملين
كويس أن الديكور و التوكة عجبوك أصلى بصرف ع البروجرام جامد و من جيبى الشخصى
المنتج اتخنق من ساعة حلقة ياسمين فاروق و سابنى كده
ياسمين تعمل اللي هي عايزاه طبعا و المنتج ده يتغير حالا و الا مش هاكمل
ماعلينا
بناء على كلامك يا منعم
واضح جدا أنك متعدد المواهب و ديه حاجة مبشرة
طيب حاولت تنمى مواهبك و تكبرها ؟؟
اي حاجه بتكبر و تنمو بالممارسة
يعني مع الوقت بيتحسن الاداء و بنتجنب الاخطاء اللي قبل كده
بس الاهم من كده ان يكون الدافع موجود جوا الانسان في اللحظه اللي بيعمل فيها الحاجه اللي بيحبها
يعني هاتطلع حلوة جدا لو عملها في اللحظه اللي بينزل عليه الوحل فيها
بس انا بطلت اعمل كل ده
هههههههههههههههههه
ياترى بتحب مين من الشعراء ؟ و ايه نوع الشعر اللى بتألفة ؟
ايمن بهجت قمر اكتر واحد بحبه
عشان بيحقق المعادله اللي ناس كتير بتفشل فيها
وهي انه يكتب حاجه مناسبة للوقت المعاصر و في نفس الوقت مش تافهة او فيها خلل
و بحب برضه كلمات اغاني عمرو دياب بس مش عارف اسماء
بس بيعجبني جدا الكلمات لوحدها عشان مميزة سواء الجديد او القديم
و نوع الشعر اللي انا بألفه شعر غنائي عادي
و عشان الجانب الموسيقى ياخد حقه معانا .. كلمنا عن نوع الميوزك و المطربين المفضلين عندك ؟
بحب الاغاني الهادية جدا سواء رومانسية او تراجيدي
بس ماحبش ابدا الاغاني اللي يكون فيها هزيمة او انكسار عشان ده اسمه استهبال لما الواحد يفضل يقول يا عيني علي حظي بس من حقه يزعل شوية و خلاص
و بحب كمان الاغاني اللي بيبقي فيها فرح اوي او اللي فيها امل او اي حاجه فيها مظهر من مظاهر حب الحياة
و الشعبي طبعا بحب سيدي ليلي اوي و العبد و الشيطان
و طبعا الراب بس الراب العربي بعافيه شويه و مش بتابعه اوي بس بحبه برضه
و بحب حاجات معينه في الراي
و بالنسبة للمطربين هاقول عمرو دياب اولا
و الشاب خالد بحبله كام اغنيه بس بحبه اوي
و محمد فؤاد و شيرين و تامر عاشور و تامر حسني و نانسي و هيفا و اليسا
و اصالة بحبها جدا طبعا
و ساعات كده مصطفي قمر و ايهاب توفيق
بالنسبة لكلامك عن المثل الأعلى أنا طبعا بحترم جدا أختياراتك و بحييك عليهم ( أنا معاك فالاختيار ) بس
أنت أختارت شخصيات تاريخية .. طب ليه مش اخترت حد من الوقت الحاضر أو أشخاص محيطين بيك من الأهل أو الصحاب ؟
عشان ماعتقدش ان فيه حد دلوقتي يقدر يغير الوضع تغيير جذري ولا للاحسن او الاسوأ
بس زمان قدروا علي كده وممكن برضه دلوقتي بس ده مش واضح
و ما رضيتش اختار حد من الناس المحيطين عشان انا و المحيطين ماعملناش حاجه مميزه
و لازم عشان يكون فيه حد مميز يكون عمل حاجه كبيرة مميزة
الناس كل ما تفتكر سيرته تفتكرها معاه
أنت شايف أن الحب فالثانوى ده حب بجد ؟
لا طبعا
نظام فاشل جدا و مافيش حاجه اسمها كده
و في الجامعه برضه فاشل بس بنسبة اقل شوية
بس في الحالتين لكل قاعدة شواذ طبعا
و اكيد فيه حاجات بجد بس قليلة جدا او نادرة بمعني اصح
بس فترة من العمر و لازم نمر بيها و ناخد منها خبرة
و الحياة مش بتنتهي عند كده
أنت ايه رأيك طيب فمشاكل الحب و الارتباطات اللى منتشرة ؟
مشاكل غريبة اصلا و احنا اللي بنخترعها و بنحطها في طريقنا
لما مانلاقيش حاجه نعملها او نحس ان الحياة مملة كده
زي السيناريوهات بتاعه مسلسلات رمضان و المسلسلات التركي و الافلام الهندي
لان احنا بطبعنا بنحب الحاجات دي فيمكن كل واحد بيحاول يعيش دور بطل اتفرج عليه و عجبه
و طبعا البطل بيعرف انه بطل في المشاكل مش في الظروف العادية
بس برضه اكيد فيه ناس بتحاول تعيش حياتها بجد بشكل واقعي
لما تفكر ترتبط ببنت و تخطبها إن شاء الله فالمستقبل .. هل هيبقا جواز صالونات و لازم تكون بنت أنت عارفها قبل كده ؟
علي حسب الظروف ساعتها يعني
بس انا افضل اني اكون عارفها قبل كده
عوزاك كده تقولى لما بتشوف حد لأول مرة .. يا ترى بيلفت نظررك فيه ايه سواء ولد أو بنت ؟
الشكل اولا لان دي اول حاجه هلاحظها في اي حد سواء ولد او بنت
و طريقة الكلام و طريقة التعبير عن الراي و اللباقة و صوته عالي و لا لا
و بحب اعرف بيتقبل من غيره ولا لا
و لو اللي قدامه قاله علي حاجه صح المفروض يعملها
هايعملها و يسكت ولا يعملها و يتناقش معاه و لا مش هايعملها عند و خلاص
ولا هايتنقاش معاه و اقنعني او اقنعك
و حاجات كتير لان اكيد الكلام مش زي مايون الواحد في الموقف نفسه
بس النظرة الاولي مهمة جدا و مش شرط برضه انها تدوم كتير بس مهمة
ايه رأيك بقا ف المظاهر ؟
مهمة جدا لسببين
الاول انها هاتدي للانسان ثقه اكتر في نفسه ولو من الخارج بس
بس ممكن ده يساعده انه يكتسب ثقه في نفسه من جوا برضه و الثقه طبعا مهمة جدا
ثانيا انا عايز اعرف حد واحد بينزل من بيته و هو مش بيبص في المراية و يشوف هو عامل ازاي و يقعد يسال نفسه هو كده كويس ولا لا؟
يعني هي حاجه مهمة بس جزء من كل في النهاية
بما أنى مذيعة غريبة
اسمحلى أسألك سؤال عجيب ضرب فدماغى على حين فجأة
على فكرة الاسئلة الغريبة بتاعتى أوبشنال مش اجبارى يعنى .. براحتك لو محبتش تجاوب
يعنى أنا مهتمة شوية بهتلر و أعماله .. و واضح من كلامك أنك بتهتم بالشخصيات التاريخية المؤثرة
طيب يا ترى أنت ايه رأيك فى هتلر ؟
هتلر بحبه جدا من شكله و هيبته و الشنب الصغير بتاعه
بس هو مش ربنا عشان يقرر انه يخلي اجناس معينة من البشر و يبيد اجناس تانية
و الطريقة ذات نفسها وحشه جدا انه يحرقهم في افران الغاز طبعا
بس اخد جزاءه في النهاية انه فضل يخسر كل حاجة شويه بشويه
و عنجهيته خليته يموت نفسه و ينتحر و ماكسبش حاجه في النهاية بده
بس برضه بحبه و الله يرحمه
كمان سؤال
القرآن الكريم طبعا كلو جميل
أنت لما بتقرأ قرآن ايه أكتر سورة أو آيه بتريح قلبك و بتستريح لما تقرأها ؟
انا بحب اقرأ سورة البقرة جدا و من اكتر السور اللي بحبها سورة الاخلاص
بس بحب اسمع سورة البقرة جدا من الشيخ أحمد بن علي العجمي بستريح بجد ساعتها
تعالى نتكلم شوية عن الرياضة
فالأول عاوزة أعرف رأيك و مفهومك عن الرياضة عموما ؟؟
الرياضة هواية زي اي هواية بس المميز فيها انها هواية جسدية و بتفيد جدا الجسم و في نفس الوقت فيها جزء للعقل لان مافيش رياضة بالجسم بس حتي المصارعة لان ليها أداء معين و حركات معينه
بس انا مش مع مقولة العقل السليم في الجسم السليم لان ممكن يكون الجسم تعبان بس العقل شغال كويس و ده اللي حصل مع ملوك و رؤساء علي مر الزمن
أنت بتمارس رياضة معينة ؟ لو آه .. ايه هيا ؟
كنت بلعب كورة في الشارع و انا صغير و ماكنتش بعرف العب اصلا و ياما كسرت حاجات و محلات و كده
بس مش بهتم بالرياضه دلوقتي كممارسة
و انا مابحبش الرياضه ساعات لاني بحب الكسل و النوم اوي
و كمان التاخير و كده ماحبش اكون منتظم اوي ولا مستهتر لاني بكره الاستهتار
بالنسبة لكرة القدم طبعا .. بتشجع مين ؟
الاهلي
ميلان
ريال مدريد
برشلونة
مان يونايتد
ليفربوول
و يوفنتوس
ده بالنسبة للاندية
المنتخبات بقي
مصر
و ايطاليا
و انجلترا
و فرنسا
و كوريا الجنوبية
و المكسيك شويه
و ساعات البرازيل و الارجنتين
صحيح
قولى كده رأيك فالمنتدى ده .. بس من غير مجاملات ؟
المنتدي كان احسن قبل كده
و الموضوعات كانت احسن
بس جات فتره كان المنتدي ضعيف شويه
بس دلوقتي شغال
ايه نوع التوبيكس اللى بتشدك عشان تقرأها ؟
المواضيع الفكاهية
و الرومانسية
و اللي فيها شعر
وشويه الاخبار بس شويه صغيرين
و ساعات الاهرام
و احيانا الجمهورية
وبحب كمان الصور جدا
دلوقتى قبل منطلع للفاصل عوزاك تهدى أغانى لأشخاص
يعنى مثلا تقول أحب الاغانى لقلبك و تهديها لكذا و كذا ؟ أو تقول مثلا الاغنية ديه لايقة ع الشخص ده ؟
احب اولا طبعا اهدي ست الحبايب لماما زي اللمبي ما عمل بالظبط
و اهدي لبابا جباااااااااااااااااار بتاعه عبد الحليم
و لاخواتي و ليه انا ده يبقي حالي بتاعه عمرو الجديدة
و مروة اهديها اغنية قمرين عشان كانت في السبوع بتاعهاو بتفكرني بيها علي طول
و لاصحابي اغنية يا جنايني (الشعبي) و ماحدش يسالني ليه لاني مش عارف
و للبنتين اللي حبيتهم اهديلهم أيام و بنعيشها
نداء للبنات الحلوين
على فكرة رقم منعم فالكنترول
هههههههه
لالالالالالالا
ارفعو النمرة من الكنترول
خليهم يجوا عندي بعد ما البرنامج يخلص
افرضي طلعوا وحشين
انا هاتدبس كده
هنضطر نطلع تانى فاصل
أبقوا معنا | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5735
تاريخ التسجيل : 14/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الثلاثاء أبريل 21, 2009 11:13 pm | |
|
أهلا بيكم أعذائى النجوم مرة أخرى من جديد
عدنا
أحب أوضح أننا شيلنا نمرة منعم من الكنترول عشان أو واحدة خدتها كانت الحاجة أم زينهم
جوزها سافر و شافت منعم و اتهطلت
ههههههههه
معلش يا منعم متخافش أنا مسيطرة ع الموقف و لو الأمور اتعقدت حضرة الظابط برا البلاتو
دونت ورى
نكمل
على فكرة ردك على سؤال هتلر عجبنى جدا .. برافو
الله يرحمو بقا كان راجل بيحب بلده بجد .. مش زى دلوقتى
كمان أختيارك للشيخ العجمى أختيار موفق
منعم عارف كده لما بنقعد مع حد من الناس الكبار ف السن دول
بيقعدو يقولو حكم و كلام موزون كده .. بس دايما مفكرين أننا جيل هايف و تافه
يا ترى ردك ايه ف الموضوع ده ؟
طبعا أحنا مش ملايكة .. لو سألتك عن عيوبك .. هتجاوب تقول ايه من وجهة نظرك ؟
كمان بالنسبة لكلام الناس الكتير .. ايه رأيك فيه سواء كان حلو أو وحش ؟
بمناسبة كلامنا عن كلام الناس و الغيبة و النميمة
أنا المفروض مذيعة و مينفعش أقول رأى صريح .. بس أنا نفسى بجد أنه يحصل تغيير
و أن أى حد بيقرأ التوبيك ياخد باله من الموضوع ده .. الكلام الكتير .. بجد موضوع مهم و عاوز مناقشة
و لو كل واحد فينا احتفظ بالكلام الوحش لنفسه و نشر الكلام الحلو .. أكيد هيبقا أفضل
سورى يا منعم أنا رغيت كتير .. أنت ردك ايه فالموضوع ده ؟؟
فى الوقت الحاضر تقدر توصفك حياتك ازاى ؟
و لو أديتك منصب مهم فالدولة .. يا ترى هتتصرف ازاى و هتعمل ايه ؟
سؤال طفيف كده
هوا أنت نظرتك عن المرأة ازاى ؟
ايه رايك فمقوله من حب الا بعد عداوة ؟
و فى آخر الحلقة
أحب أقولك أنى مبسوطة أنى حاورت حد بيفهم زيك و الحمد لله لحد دلوقتى كل الضيوف كانو مميزين
ودماغهم حلوة و ديه حاجة تفرح فعلا
قبل ما أختم يا ريت تقولى
رأيك ف الأسئلة و طريقتها ؟ و كان نفسك تتسأل فى ايه تانى ؟
أنا ديموقراطية .. لو فى أى أفكار جديدة أو اضافة قولنا اتس اوكى ؟
عدل سابقا من قبل JasMinaa في الأربعاء أبريل 22, 2009 12:55 am عدل 1 مرات | |
|
| | |
abdelmen3em
عضو ملكى
عدد الرسائل : 1157
تاريخ الميلاد : 03/03/1992
العمر : 32
نقاط : 5940
تاريخ التسجيل : 26/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الأربعاء أبريل 22, 2009 12:18 am | |
| أهلا بيكم أعذائى النجوم مرة أخرى من جديد
عدنا
أحب أوضح أننا شيلنا نمرة منعم من الكنترول عشان أو واحدة خدتها كانت الحاجة أم زينهم
جوزها سافر و شافت منعم و اتهطلت
ههههههههه
الحمد لله اننا لحقنا و جات علي ام زينهم بس
معلش يا منعم متخافش أنا مسيطرة ع الموقف و لو الأمور اتعقدت حضرة الظابط برا البلاتو
دونت ورى
يعني هاكمل و انا مطمن
طيب
نكمل
على فكرة ردك على سؤال هتلر عجبنى جدا .. برافو
الله يرحمو بقا كان راجل بيحب بلده بجد .. مش زى دلوقتى
كمان أختيارك للشيخ العجمى أختيار موفق
ميرسي جدا
بس انا معجب بهتلر من زمااااااااااااااان
منعم عارف كده لما بنقعد مع حد من الناس الكبار ف السن دول
بيقعدو يقولو حكم و كلام موزون كده .. بس دايما مفكرين أننا جيل هايف و تافه
يا ترى ردك ايه ف الموضوع ده ؟
احنا لو عايزين نثبتلهم عكس كده هانثبت
بس احنا فعلا جيل هايف شوية و فاشل شويتين
يعني الغلط الاكبر علينا
بس جايز برضه هما يمكن عشان مثبتين الفكرة دي في دماغهم
و مش بيشوفوا غير الجزء اللي عايزين يشوفوه
و دي مش ظاهرة جديدة لانها موجودة من زمان
و في الافلام الابيض و اسود علي طول نسمع جملة جيل اخر زمن
بس احنا برضه جيل فيه سلبيات كتير و فيه ايجابيات برضه
طبعا أحنا مش ملايكة .. لو سألتك عن عيوبك .. هتجاوب تقول ايه من وجهة نظرك ؟
متسرع و احيانا متهور
عصبي جدا بس في اوقات معينة
مزاجي اوي و بتغير من موود للتاني بسرعة جدا و دي اكتر حاجة مضايقاني
ساعات بكون عارف اني بعمل حاجة غلط و بعملها بس بارجع اندم بس بحاول علي قد ما اقدر اعمل كنترول علي الموضوع ده
و حاجات كتير بس ده اللي فاكره و دي اهم حاجات
كمان بالنسبة لكلام الناس الكتير .. ايه رأيك فيه سواء كان حلو أو وحش ؟
احنا لو عايزين نمنع كلام الناس هانمنعه
بس احنا اللي بنسيب فرصة انه يكتر و يالفوا كمان من عندهم
و دي ظاهرة وحشة جدا بس صحية شوية لانها بتبين الناس علي حقيقتها
ده بالنسبة للكلام الوحش
بالنسبة للكلام الحلو بقي
ده حاجة مفيدة جدا لان ثقة الانسان في نفسه هاتزيد لما يلاقي استحسان من الناس لشخصه
بس لو بقي كتير ممكن يضر لانه ممكن يعرض الانسان للغرور و احنا بشر طبعا
او ممكن يكون نفاق و يجي وقت الانسان يتصدم فيه و هايتدمر بجد ساعتها و يحس انه كان مخدوع او مغفل
بمناسبة كلامنا عن كلام الناس و الغيبة و النميمة
أنا المفروض مذيعة و مينفعش أقول رأى صريح .. بس أنا نفسى بجد أنه يحصل تغيير
و أن أى حد بيقرأ التوبيك ياخد باله من الموضوع ده .. الكلام الكتير .. بجد موضوع مهم و عاوز مناقشة
و لو كل واحد فينا احتفظ بالكلام الوحش لنفسه و نشر الكلام الحلو .. أكيد هيبقا أفضل
سورى يا منعم أنا رغيت كتير .. أنت ردك ايه فالموضوع ده ؟؟
رأيي اننا نخلينا في حالنا و مانتكلمش علي غيرنا
اصل دي غريزة فينا برضه
بس نحاول نتحكم في نفسنا
و اللي عايز يقول حاجه لحد يقولهاله وجها لوجه احسن و يكون بيقول كده علي اساس معين
مش مجرد انه يضايقه و خلاص
بس ده كلام نظري طبعا و مش هايحصل مع كل الناس
بس اكيد فيه ناس كده و متعودة علي كده
فى الوقت الحاضر تقدر توصفك حياتك ازاى ؟
انا في فترة صحوة شوية
بحاول اجمع حياتي من تاني بشكل افضل من اللي فات
و بشكل فيه كتير من العقل بعيد عن المشاعر
عشان حياتي دخلت في بعضها بسبب كده و لازم اتعلم شويه
بس هحاول اطلعها بشكل افضل ان شاء الله
و لو أديتك منصب مهم فالدولة .. يا ترى هتتصرف ازاى و هتعمل ايه ؟
انا مابحبش المناصب اصلا
و مش عايز امسك منصب في البلد دي
بس انا احب امسك منصب في وزارة الثقافة مثلا
لو مسكت وزير الثقافه هحاول اوزع في المدارس و الجامعات و كل اماكن التعليم معلومات عامة علي الاقل عشان يبيق عندنا ثقافة اكتر
و هحاول الاقي طريقة اخلي ده بشكل اختياري للناس اللي عايزة
و بعد كده اكيد هما هايعملو مؤسسات سواء كانت معتمدة او لا تشجع علي كده و تجيب ناس جديدة
و احب كمان يكون التعليم عندنا بشكل تجريبي
اهم حاجة من رايي الصحة و التعليم
لان لو صحتنا كويسة هانشتغل بشكل احسن
و بالتعليم هايكون عندنا اساس معتمدين عليه في كل المجالات
بس انا عن نفسي مابهتمش بالصحة
بس بهتم بالتعليم شوية
وده دليل ان انا سلبيين و عايزين حدث كبير يفوقنا و يفوق كل واحد عن عيوبه
سؤال طفيف كده
هوا أنت نظرتك عن المرأة ازاى ؟
احلي حاجة طبعا في الدنيا كلها
و احلي ما فيها الغموض اللي فيها
و ان نظرة عينيها معبرة جدا و بتوصل الاحساس صح
و اللؤم اللي عندها و تلف كتير عشان توصل لحاجه
بس نصيحة لكل بنت انها تفضل محافظة علي انوثتها طبعا و ده شئ اساسي
و ماتكونش عاملة زي بكيزة و زغلول
و ان الغموض و اللؤم بتوعها مايزيدش عن الحد عشان ماتخنقش غيرها
و اللي يزيد عن حده يتقلب لضده
و من شب علي شئ شب عليه
و هنيالك يا فاعل الخير و الثواب
بس برضه انا كده يعتبر ماقولتش حاجة لان المرأة شئ بيختلف عن كل شئ و حاجة لوحدها
و هي اللي بأيدها تخلي الناس يبوها او يكرههوها حتي لو تقصد او ماتقصدش
بس في النهاية بايديها هي ولا
ايه رايك فمقوله من حب الا بعد عداوة ؟
مش في كل الحالات
بس انا بحب افهمها علي اساس ان الب اللي بيجي بعد عداوة
بيبقي حب بجد و طعمه حلو لان الواحد بيبقي اثبت لنفسه العكسو باختياره مش غصب عنه
فبيكون مقتنع تماما
و فى آخر الحلقة
أحب أقولك أنى مبسوطة أنى حاورت حد بيفهم زيك و الحمد لله لحد دلوقتى كل الضيوف كانو مميزين
ودماغهم حلوة و ديه حاجة تفرح فعلا
احب اقول ان انا مبسوط اكتر لان بجد الاسئلة حلوة و بتدي مجال كبير للاجابة و اسئلة ليها معني بجد
و انا من زمان كان نفسي اعمل البرنامج ده خاصة انه مع مذيعة متألقة زيك و بتعرف تدير الحوار كويس
قبل ما أختم يا ريت تقولى
رأيك ف الأسئلة و طريقتها ؟ و كان نفسك تتسأل فى ايه تانى ؟
الاسئلة متميزة و مش تقليدية و فيها الروح برضه مش ميتة و مش تافهة ولا معقدة و كلها واضحة رغم ان فيه منها من برة المنهج اللي متعودين عليه بس ده المطلوب طبعا
و انا ماكانش نفسي اتسال في حاجة لاني كنت مستني اشوف الاسئلة لاني كنت واثق انها هاتعجبني
بس هي عجبتني اكتر ما كنت متوقع بكتير
أنا ديموقراطية .. لو فى أى أفكار جديدة أو اضافة قولنا اتس اوكى ؟
انا شايف انك تغيري كل الكاست ده و ام زينهم و عم فتحي و يا ريت كل مرة تغيري الديكور لان التغيير مطلوب برضه
و في النهاية احب اقول اني بجد اتبسط فعلا
و استمتعت جدا بالحوار ده
و حاسس ان الدنيا لسه فيها ناس عندها دماغ شغالة
و انا كنت بتابع الحلقات اللي قبل كده
و كانت بتعجبني جدا
بس التجربة شئ تاني طبعا و حاجة مفيدة بجد و ماحسيتش باي ملل
و بجد حاجة حلوة فعلا
و شكرااااااااااااااااااااااااا جداو السلام عليكم و رحمة الله و بركاته | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5735
تاريخ التسجيل : 14/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الأربعاء أبريل 22, 2009 1:07 am | |
| و عليكم السلام و رحمة الله و بركاته
بشكرك يا منعم جدا
أعذائى النجوم فانتظار تعليقاتكم و ردودكم على الحلقة
نلتقى ف حلقة جديدة مع نجم جديد
انتظرونا
أنزل بالتتر | |
|
| | |
meme
مشرف قسم
 
عدد الرسائل : 606
تاريخ الميلاد : 24/05/1990
العمر : 33
المزاج : 3ale awe
التاريخ : 24/5/1990
نقاط : 5901
تاريخ التسجيل : 07/08/2008
| | موضوع: رد: الحلقة الرابعة مع عبد المنعم... ياسمين و الناس التانــيين الخميس أبريل 23, 2009 8:22 pm | |
| hayell aweeeeeeeeeee
gameddddddddddddddddddd aweeeeeeeee
7elo aweeeeeeeeeee | |
|
| | |
angham elnogoom
مشرفه قسم
عدد الرسائل : 5583
تاريخ الميلاد : 01/03/1991
العمر : 33
الموقع : 1
العمل/الترفيه : 1
المزاج : قشطة
التاريخ : 1/3/1991
نقاط : 11127
تاريخ التسجيل : 18/09/2008
| | موضوع: رد: الحلقة الرابعة مع عبد المنعم... ياسمين و الناس التانــيين الجمعة أبريل 24, 2009 5:27 pm | |
| قشطة عليكي ياجاسمين
وطبعا منعم كفاية انك بتقول عليا (استاذة دينا)
من غير ماتقول اصلا انا عارفة اني استاذة ..في اكتر من كدة تواضع؟؟؟؟؟؟؟؟
لا بجد حوار ممتع يامنعم واجاباتك تلقائية وكمان واقعية وبحكم الصداقة هاقول انها خالية من الكذب والنفاق
وشكرا | |
|
| | |
| | الحلقة الرابعة مع عبد المنعم... ياسمين و الناس التانــيين | |
|
