الولد الهاي كلاس والولد اللو كلاس..ههههه مش هتبطل ضحك

مقارنه بين الواد الفافى والواد البيئه



(الطفل الفافي) او (الهاف لايف )



............ ......... ......... .......


1-الولد من دول يصحى على صوت الكناري اللي في اوضته .... - سو سو سو سو .... -
_________


2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________


3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -
_________


4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -
__________


5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -
__________


6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -
__________


7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________


8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان -
__________


9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________


10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________


*الطفل البييييئه :
__________
............ .......
1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -
____________ _____


2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
____________ _____




3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع


- عشان كده ماتلاقيش في بيتهم صراصير -
____________ _____


4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -
____________ _____


5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات -
____________ _____


6- دلوقتي معاد حرب كل يوم .. : ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟ : في دي ..... دييييب ...
- ضربة بالحله على نافوخه -
____________ _____


7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه -
____________ _____


8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....



ورونى الردود علشان نكمل المقارنة



نكمل المقارنة بقى يلا مستعدين



في طابور المدرسه ....
=================


*الطفل الفافي (الهاف لايف) :


1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -
____________ _____


2- الطابور كله تمارين ونشاط ....
- على انغام الدي جي (ياسر شاكر) -


____________ _____


3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه -


____________ _____


4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -


____________ _____
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -


____________ _____


*الطفل البيئه :


1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
____________ _____


2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -
____________ _____


3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
____________ _____


4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشه -
____________ _____


5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
____________ _____


بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي
____________ _______


*الطفل الفافي (الهاف لايف) :


1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
____________ _____


2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -


____________ _____


3- هاني ... دينر از ريدي
- السيييم بتاعهم لما يجهز الغدا -


____________ _____
4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك


____________ _____
*الطفل البييئه : ! !


1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
____________ _____


2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -


____________ _____


3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
____________ _____


4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -
____________ _____


بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟
____________ _____


*الطفل الفافي (الهاف لايف) :


1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
____________ _________


2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
____________ _________


3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
____________ _________ __


4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________ _________ _______
5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي -
____________ _________


*الطفل البيييئه :
===========
1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
____________ _________ _________ _______


2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
____________ _________ _________ __


3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله -
____________ _________ ____


4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه -
____________ ________
5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل



هههههههههههههه

بجد جامد قوى ايوة كدة وريهم البنات لما يطلعوا الدرر بتاعتهم

انتي يابنتي خسارة في الناس دي
يارفاعة من راسنا وموطية راسهم
ياحبيبة كل بنت عالمنتدي
ياروح قلب بنات النجوم
وكفاية عليكي كدة لتتغري........ههههههههه
لا بجد تسلم اديكي انا حاولت اطلع حاجة واحدة بس حلوة مش عارفة لان كلهم احلي من بعض

عظمة على عظمة يا تيجو
اية يا بنتى كل دة
و الله هما صعبنين عليا
بس هما يستهلوا

ميرسي اوي يا هاجر انتي ودينا وهوبة عالكلام الشياكة دة تسلمولي يا قمرات
وبجد الموضوع نور بيكوا انا بس حبيت اوريهم جرعة صغيرة واشوف هيستحملوا ولا لا بس من الواضح كدة انهم مقدروش يستحملوا ههههههه لان مفيش حد جتله جرأه يرد ههههههههه وشكرا علي مروركوا الجميل دة يا احلى بنات

اوبا انتى دخلتى شمال
و كدة هنخبط فبعض
و انا اللى بقول خلينى مسالم معاكوا علشان انتوا رفعتوا الرايا البيضة
بقى دة جذاتى عالخير اللى عملتة فيكوا
و انا جتلى الجراءة انى ارد بس انا كنت مشغول و سيبكوا تلعبوا هقول اية بقى
بنات
ههههههههههههههههههه

يابني اقعد ساكت بقي
دانتو اتشحورتو عالاخر في التوبيك الجميل دة انا لو منكم اعمل نفسي نعامة وادفن نفسي في الرملة

نعامة لية بقى انشاء الله
داحنا بس سكتين لكوا علشان احنا الاكرمو الاجدع
رجالة بقى مش عيال نص كم

هههههههههههههههههه
متشكرة اوي ليكوا يا جماعة دة الموضوع بجد منور بيكوا
واوعي يا ويكا تفهمني صح وبعدين منتوا مش رحمينا في مواضيعكوا وعمالين نقول بس خلاص ومفيش فايدة
اشربوا بقى وخدوا مندا لحد ميظهرلكوا صاحب وجميل اوي ان حد جاتله جرأة من الولاد لان فعلا مفيش غيرك جاتله الجرأة دى دة انجاز لينا رائع اه بنات بقى

ايوه صح مانتوا مش سيبنا فى حلنا وسكتين عليكوا لما نيجى نتكلم تقيموا علينا الحد ايوه كده يا تيجو تسلم ايدك

تسلمي يا سندريلا يا قمر على تعليقك الجميل دة نورتينا

ههههههههههههههههه حلوه يا غاده احنا هنا فى مصر متهقيلى بيعمولو زى الواد التانى شويه

ههههههههههههههههههههههههههههه
دي معلومة اكيدة مش بيتهيألك
شكرا يا قمر على مرورك انتي اللي حلوة
ميرسي ليكي نورتينا

leah keda bas
ya 3a'ada

ههههههههههههههههههههههههه
بصوا على مواضيعك هتعرف ليه
البادي اظلم
وشكرا لمرورك يا ميمي

هههههههههههههههههههههههههههههههههههههههههههههههههههههههههة...
هو ده الكلام ياتيجو ياجميلة....
تسلميلى على الموضوع اللى بجد ملوش حل....
وبيتهيالى المفروض يكون ضربة قاتلة...
يعنى جت فى موتة...
بس مش فاهمة هما تقريبا بخمس اراواح ولا ايه النظام.؟؟؟
عموما الصبر طيب...
واحنا ملايكة....

هههههههههه
جامده يا تيجو موضوعك بس سيبك هى دى مصر يا بنتى انتى مشربتيش من نيلها ولا ايه

تسلمي ياغاده
بس ليه احا مش بنشوف غير العيال البيئه
الظاهر هي دي بقت مصر

لالالالا لحد كده كفايه انا بقلكم بلاش مبلاش احسن

ولا با نرجع لايام زمان ايام نكست البنات فكرين ولا نفكركم ماشى يا دينا ماشى يا غاده ماشى يا منايا ماشى يا ولاء فهمين كلكم ولا تحبم نرجع تانى با منعم عبده ويكا الحزب محمد مجد رامى ولسه فى بلاش احسن

يعنى خفنا منكوا يعنى ولا ايه؟؟؟؟
هههههههههههههههههههههههههههههههههة...
يالا بعيد عن هنا ياويكا...
علشان احنا هنرش..ونستفتح...
كدة...
وبلاش جر شكل...
لحسن انتوا مش قدنا....
احنا سايبنكوا تاكلوا عيش مش اكتر...
كرم اخلاق منننا...
بس فى وقت الجد...
محدش هيحكى مع حد...
فاستهدى كدة...
واهدى على حاللك...
♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ ♥ ♥

يامى يامى خاف يا عيد