كلمات اجمل اغاني سيدة لبنان فيروز(الجزء الثالث)

رجعت الشتوية
فيروز

رجعت الشتوية
ضل افتكر فيّ
رجعت الشتوية

يا حبيبي الهوى مشاوير
وقصص الهوى متل العصافير

ماتحزن يا حبيبي
اذا طارت العصافير
وغنية منسية عَ دراج السهرية
رجعت الشتوية

يا حبيبي الهوى غلاب
عجل وتَعا
السنة ورا الباب
شتوية وضجر وليل
وانا عمبنطر على الباب
ولو فيي، بعيني
بخبيك بعينيّ

رجعت الشتوية
ضل افتكر فيّ
ضل افتكر فيّ
رجعت الشتوية

يا عاقد الحاجبين
فيروز

يا عاقد الحاجبين على الجبين اللُجَيْنِ
إن كنت تقصد قتلي قتلتني مرّتين
تمر قفز غزال بين الرّصيف وبيني
وما نصبت شباكي ولا أذنت لعيني
تبدو كأن لا تراني وملءُ عينك عيني
ومثل فعلك فعلي ويلي من الأحمقين
مولاي لم تبق مني حيّاً سوى رمقين
أخاف تدعو القوافي عليك بالمشرقين
يا عاقدَ الحاجبين

بيلقبك شك الالماس
فيروز

يلبقلك شك الألماس دروب دروب
أخدوا حبيب قلبي مني وخلوني أدوب
يلبقلك شك الألماس فوق الغرة
وحبيبك يسأل ويشوفك أول مرة
عوازل لا تلوموني الفرقة مرة
هجر الحبايب والزعل كله مكتوب
خبروني اتغيرتي صرتي كبيرة
وحبيبك سافر من جمعة وكنتي صغيرة
عوازل لا تلوموني صعبة الغيرة
واللي واقع بالهوى كيف بدو يتوب

بكتب اسمك يا حبيبي
فيروز

بكتب اسمك يا حبيبي ع الحور العتيق
تكتب اسمي يا حبيبي ع رمل الطريق
ولما بتشتي الدني ع القصص لـ مْجَرَّحة
يبقى اسمك يا حبيبي واسمي بينمحا

بحكي عنك يا حبيبي لأهالي الحي
تحكي عني يا حبيبي لنبعة المي
ولما بيدور السهر
تحت قناديل المسا
بيحكوا عنك يا حبيبي
وأنا بنتسى

واهديتني وردة فرجيتا لأصحابي
خبيتا بكتابي زرعتا ع المخدة

واهديتك مزهرية لكن بتداريها
ولا تعتني فيها تاضاعت الهدية

وبتقلي بتحبني ما بتعرف أديش
ما بالك بتحبني ليش دخلك ليش

بكتب اسمك يا حبيبي ع الحور العتيق
تكتب اسمي يا حبيبي ع رمل الطريق
ولما بتشتي الدني ع القصص لـ مْجَرَّحة
يبقى اسمك يا حبيبي واسمي بينمحا
واسمي بينمحا

طيري يا طيارة
فيروز

طيري يا طيارة طيري
ياورق وخيطان
بدي ارجع بنت صغيرة على سطح الجيران
وينساني الزمان على سطح الجيران
علّي فوق سطوح بعاد ع النسمة الخجولة
اخدوني معون الولاد ردولي الطفولة
ضحكات الصبيان وغناني زمان
ردتلي كتبي ومدرستي والعمر اللي كان
وينساني الزمان على سطح الجيران

لو فينا نهرب ونطير مع هالورق الطاير
تـ نكبر بعد بكير
شو صاير شو صاير
ويا زهر الرمان ميل بهالبستان
تـ يتسلّوا صغار الأرض ويِحْلَوّ الزمان
وينساني الزمان على سطح الجيران

وينون؟
فيروز

وَينون!
وين صواتون وين وجوهون وَينون
صار في وادي بيني وبينن..
وَينون
ركبوا عربيات الوقت وهربوا بالنسيان..تركوا ضحكات ولادن..
منسية ع الحيطان..
تركولي المفاتيح..تركوا صوت الريح..وراحوا ما تركوا عنوان..!
وَينون وَينون
وين صواتون وين وجوهون وَينون
صار في وادي بيني وبينون..
آه وَينون
عشاق الطرقات افترقوا لا حكي لا مواعيد
أنا وحدي صوت الشوارع أنا طير القرميد
هربت بهالليل من مربط هالخيل
وأنا قلبي للحزن الوحيد
وَينون وَينون
وين صواتون وين وجوهون وَينون
صار في وادي بيني وبينون
وَينون

انتظرو الاجزاء الاخري قريبا ان شاء الله