تعملى ايه لو طلب منك كده

بسم الله الر حمن الرحيم

شوفو هحكلكوا على موقف حقيقي وعيزه كل الي يقرائه يحط نفسو في الموقف ده اوكي......

كان في شاب وفتاه عرفوا بعض في الكليه من اول يوم في الكليه هو اعجب بيها وهي كمان زيوا حبوا بعض حب جنان كانو كل زميلهم بيحسدهم ع الحب ده مرت السنين بفارغ الصبر لغايه ما أخدوا البكالريوس وبعدها راح لاهلها عشان يتقدم ليها وفعلا حصلت الخطوبه وبعدها على طول كانت الدخله وفعلا حصل الفرح والمعزيم جم والدنيا كانت هيصه وبعدها المعزيم اتعشوا والعروسه والعريس جم اهلهم وقاللهم تتعشوا هنا ولا في البيت فالعريس قال لا نتعشا هنا فالعروسه وفقت وفعلا اتعشوا وبعد ما الفرح خلص راحو بتهم

مفيش خمس دقائق وموبيل العريس رن واحدصحبه بيتصل فرد العريس وكان هو ده الحوار:::::::

العريس:الوووو

صحبه :ازيك يا عريس عامل ايه الليله ليلتك ياعم

العريس:هههههههه انت مجتش الفرح ليه انت والشله

صحبه :العربيه عطلت بس خلاص صلحنها نيجي نسلم عليك ولا لا

العريس:لا ياعم دا انتو تنورو اتفضلوا

صحبه :يعني هتعشينا ولا معندكمش اكل

العريس:عندنا خير ربنا كتير اتفضلوا

قفل العريس مع صحبه وحكى للعروسه سكتت العروسه عندها زهول

وقالت ليه بس مفيش اكل هنا

قال لها خمس دقائق هروح اجيب حجات وأجبها تعمليها

وفعلا مدهاش فرصه تتكلم وراح جاب في ثانيه

العروسه افتكرت جاب اكل جاهز ....اتريه جايب لحمه نيه وخضار وبلاوي زرقه

ولسه بيقولها قومي يالا اعملي وجرس الباب بيرن

فتح العريس الباب لائهم صحابه

دخلهم ودخل للعروسه كلمتين حلوين وافقت المسكينه ودخلت المطبخ بفستان الفرح والمكياج تقطع بصل ولحمه وتعمل في رز والى اخره............

خلصت العزومه الهباب ده ودخل العريس للعروسه وشكرها ودها خاتم شكله جنان ولما سألتوا ليه الخاتم ده قال لها اصل انا كنت في رهان مع صحابي لو حصل ده تعمليه ولا لا

ده ماينفعش يتقال عليه غير انه مجنون
اولا انا عمري ماهوافق علي الي هو عايزه واعمله اكل ولو هو اتجنن وعزم اصحابه هخليها ليله طين عليه وعلي اصحابه واكمل باقي اليوم عند اهلي ولو جدع يردني او يفكر يكلمني تاني وبعدين ازاي عروسه معندهاش عشا يوم فرحها ايه العالم البخيله دي

ههههههههههههههههههههههههة...
اولا انا بس حبة انى اسلم عليكى ياقلبي اوى....
واقوللك بجد منورة المنتدى كله ياقمر...
اما بقي لو حصل ده...
هاخلعه....
وقبل مااخلعه طبيعى مش هاعمل طفح للاصحابه...
وهادخل وانام واقفل الباب بالمفتاح...
ويروح بقي يعشيهم فى اى مكان علشان يغرم....
واول ماينزل هاقفل الباب من جوه ويبقي يقابلنى فى المحكمة....
ههههههههههههههههههههههههههههههة..
وبالهنا ....

7elo awe elmado3 da we kaman el3ares damo 5afef
shokran ya aya

اكيد كنت هاعمل حاجة طاءة بل ما اطق من جنابى مثلا احت ملح زيادة اوى او مثلا احرق الاكل او اجيبة مش مستوى وهكذا

هو والله ربنا هيقدرنى ساعتها على مصيبه واكيد هعملها ممكن مثلا احطلهم شبه فى الاكل اخرج لصحابوا واقول لهم دى مواعيد ياما انكد على عريسى

هو والله ربنا هيقدرنى ساعتها على مصيبه واكيد هعملها ممكن مثلا احطلهم شبه فى الاكل اخرج لصحابوا واقول لهم دى مواعيد ياما انكد على عريسى

اكيد طبعا استحالة اعملها.. ازاى ارضى وانا بفستان الفرح انى ادخل واعمل اكل
وياريت لينا لا لاصحابه
اكيد ساعتها هيكون بيهرج
شكرا على الموضوع.. بجد حلو

موضوعك جميل جدآآآآآآآآآ.بس العروسة دى طيبة اوووووووى انا لو مكانها كنت هخلى صحابه يجوا بس كنت هظبتهم كنت هقولهم ياتنحين يا باردين ياللى معندكمش دم ولا ذوق اتفضلوا بره وهطردهم ولو اعترض هطرده معاهم وبعدين انا مابعرفش اطبخ اساسآآآآآآآآآآآ.بس ادعولى اتعلم

بصراحه موضوع جميل جدا جدا
والعريس ده بارد جدااااااااااااااااااااااااااااااا اما لو انا كنت فالموقف فاكيد كانت هتبقي ليله سوده علي دماغه وبما اني عنديه فمش هخرج من اوضتي ولا هعمل اي حاجه خالص ويخبط دماغه فالحيط المجنون ده شكرا ليكي يا ايه بجد موضوع جنان

طبعا ما بعملها يروح هو وصاحبو

ايه ياجماعه فيه ايه كلكو كده ثورتوا ع حاجه هايفه
مفيهاش حاجه لما تكبرى صورة جوزك ادام صحابو
حصل وصحابو معندهمش زوق مش جوزك هيعمل ايه يعنى لازم مش يحرجهم وانتى كمان مش تحرجيه
انتى لازم ترضى جوزك
وانا لو مكانها هوافق طبعا واعملهم احسن اكل