ازاى تخلى ولد يحبك ؟ للبنات فقط

[size=18][size=9]
أولا : الولد بيحب البنت الرقيقة
رفعوا
صوتكم يا بنات . و أول ما تشوفى حاجه وحشة .. سورقى (يغمى عليكى) من كتر
الرقة . ز عيطى كتير . العياط دليل على الاحساس المرهف . أوائى له .. نكدى
عليه الليلة .

ثانيا الولد بيحب البنت الرومانسية[size=24]
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه
قولى
له انه اول واحد فى حياتك حتى لو كنتى متجوزة قبل كده و حامل فى توأم.. و
لو سأل على انتفاخ بطنك قولى له كيس دهنى و لو عارف و متأكد انه كان لك
علاقات كثيرة مثله :دى كلها اشاعات ده هما اللى كانوا معجبين بيا لكن انا
ولا سألت فيهم كلهم

رابعا : الولد بيحب البنت الاستايل style
كل
ما تشوفى حاجه جديدة قلديها . يقولوا الموضه الشعر الاصفر .. اضربيه اصفر
.. الموضه القصير .. قصريه .. مش مهم شكلك ايه .. ماتصدقيش اللى تقولك ما
تخديش من الموضه الا اللى يناسبك .. دى بتغير منك و مش عايزاكى تبقى على
الموضه .
ملحوظه : لو مشعارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه
ان في آخرين كتير معجبين بيكى و قولى له : ارجوك اوعى تغير انا حواليا
كتير . ولا بيهمنى أبدا منهم ايه يعنى اكون حلوة فى عينهم . ألفى قصص
وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه
ده ! .. ايه العضلات دى كلها .. دى احلى عضلات شفتها فى حياتى .. يا سلام
!! ايه الشياكة دى كلها . انت أشيك ولد شفته فى حياتى ..(مش مهم هو لابس
ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو
كانت ملخبطه ) و طول مانتى قاعده اشكرى فيه خليه كده قاعد نافش ريشه . و
فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادام

لنتيجة :
لو
الولد وقع فى دباديبك و قال عاوز يرتبط بيكى : اوعى تقولى ايوه ! لااااا
.. اتقلى شوية . اعملى نفسك يتفكرى .. سهريه .. لوعيه .. بهدليه .. لكن
ماتتقليش العيار ليطير منك .لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك .[/size][/size][/size]

للأسف مش هنقدر نخلى حد يحبنا لأننا هنكون اتحولنا و ركبنا كعب كوباية بعد قراية التوبيك
هههههههههههههههههههه
بس توبيك دمه خفيف يا زمزم

يااااااااه يا بني دة انا جالي عمش حرام عليك هوة
بس بصراحة الكلام دة مش داخل دماغي كبنت يعني لان اللي تلزق لواحد وتلبسله هوة عالموضة واشي قصير واشي مش عارف ايه واللي بتقول عليه دة وتعد بقى تختار تنقى متبقاش محترمة هوة نفسه مش هيحترمها وهيتكسف يمشي معاها الولد يحب البنت اللي جنبه تبقى اكتر بنت محترمة في الدنيا واي ولد تاني ميبصلهاش بصة وحشة بل تجبره باخلاقها على احترامها مقصدش اننا نبقى مهملين لنفسنا لا انا بقول ان احنا لو لبسنا عالموضة يبقى دة عشانا احنا عشان مظهرنا الائق فقط مش عشان اي حد تاني ايا كان صفته
دي وجهة نظري

انا معاكى ياغاده بجد عندك حق فى اللى قلتيه وزمزم كمان معاه حق هو يقصد انه نوع من الاهتمام مش اكتر وان المفروض البنت تكون قدام اللى بتحبه اجمل بنت ... مونى

Aly.........................البنت تملا عين الراجل على شان توصل لقلبه

الموضوع حلو لو وحده متعلقه بواحد ومش قادره تلفت نظره بس بصراحه اكتر اللى يحب بسسبب يكره لاتفه سبب ونرجع نقول ان الجواز خنقه واحنا اساسا السسبب فى كده
geek

هههههههههههههههههه لابجد ضحكتنى

ماشى انا هجرب بس لو مجبش نتيجه هدبسك انت فيا اتفقنا

ههههههههههههههههههههههههههههههههههههههههههههههههههههههههههههههههههههه
توبيك تحفه بجد
ههههههههههههههههههههههه
شكرااااااااااااا