ادخل العب معانا

بسم الله الرحمن الرحيم
النهاردة جايبلكوا لعبة جميلة اوي وجديدة نوفي
وهية عبارة عن :
العد من 1 الي 5
وشروط اللعبة ان العضو اللي هيبقى رده عالموضوع رقم 5يبقى من حقه يبدي رايه في اي عضو في المنتدى بكل صراحة



ويلا بينا نبدا
1
المفروض بقى ان العضو الى هيرد يكتب رقم 2 والعضو الى بعدة يكتب 3 وهكذا لحد رقم 5
وهنا العضو الى هيجى علية رقم5 لة الحق
ذى ما قولنا قبل كدة

رقم 1

رقم 2

رقم 3

4

رقم 5

انت اللي فيها يا استاذ محمود يلا بقى اختار حد من المنتدي وقول رايك فيه بكل صراااحة احنا مستنيينك

يلا يا عم انت رحت فين احنا مستنيين ردك يا محمود
على فكرة اللعبة لسة شغالة والردود مستمرة ومحمود لسة تلاقيه بيفكر في حد يتكلم عنه
انا من مكاني ببتدي العد من جديد وانا بقى رقم1 وهكذا يا جماعة انتوا لسة متعودتوش عاللعبة على فكرة دي
مشهوورة اوي بس بطرق مختلفة
رقم 1

انتوا رحتوا فين يا جماعة

رقم 5

والله طيب ماشي انت اللي جيبته لنفسك
هعديها عشان خاطرك
يلا اختار واحد او واحدة من المنتدى وقول رايك فيه او فيها بصراحة تامة
يلا مستنيينك

ههههههههههههههههههه طول عمرك جامد ياتيتو
رقم 3

الشخصيه اللي أنا هتكلم عليها أنا مش هأقول أسمها بس هي عارفه نفسها اللي بتعد تكتب ردود ع الفاضي والمليان عشان يزودوا مساهمتهم ويترقوا في رتب المنتدي يا جماعه إحنا مش في سباق عشان نعمل كده(وعلي فكره ده مش واحد بس هما حوالي 4 ونفسي يغيروا اللي هما بيعملوا)

انا بحسدك على جراتك يامحمود......وبجد انا كمان مبحبش كدة...
المهم
2

رقم 3 شكررا يامحمود على رايك وياريت فعلا لو الرد مش ليه لزمه مش يتكتب هو مش سباق وخلاص

اشكرك من كل قلبي يا محمود على صراحتك انا بحييك وانا فعلا محبش اللي يعملوا كدة بس على فكرة انا اول مرة اعرف ان اللي يزود ردود رتبته تعلى وبقول لكل اللي بيشوفوا الرسالة دي ان الرد لازم يكون في محله مش عشان الرتب
رقم 4

رقم 5

هختار تيتو
شخصيه مرحه جدااااااااااااااااااااااااااااااااااااااااااا ودمه خفيف موت موت موت موت موت موت موت موت
وانسان محترم وزمته استك

احنا قلنا الكلام ده فىالاجتماع
وياريت نشوف حل
والناس اللى بتكتب موضوع وترد بعدها اربع خمس مرات الكلام ده مينفعش

وابسط يا عم تيتو شعبيتك كبرت في المنتدي

انا رقم 1

انا رقم 2

وانا مش عايز موضوع الرتب ده يزعلكم لو كده انا ممكن اشيله خالص

الحكايه مش حكاية رتب يا عم رامي ولا أنا حددت حد بعينه يا غاده انا شايف انها بقت حكايه زياده عن اللزوم وحبيت ألفت نظاركوا ليها

و يا ريت فعلا يا رامي تلغي حكاية الرتب دي لو ينفع

انا معاك يا محمود
وانا كتبت الاقتراح ده فى الشكاوى بس معرفش مظهرش ليه
وانا بتكلم عامة
ومش ياسر اللى هيخاف يقول اسم
انا لو عارف انه واحد انا كنت اقولت عليه بصراحة
علشان انا اوضح واجرء
من انى اتكلم بالرموز
وياريت نلغى موضوع الرتب

على فكرة موضوع الرتب ده تقدير للاعضاء

علشان كده انا مش عايز مشاكل تحصل بسببه

اانا عايو اعرف رايك ؟؟

موضوع الرتب ده صح وله غلط؟؟؟؟

انا شايف انه غلط
ومن راى تعمل استفتاء يا رامى

انا هقوللك حاجة موضوع الرتب دة لو هيعمل مشكلة بين الاعضاء ومخلي الناس فاكرة ان في ناس بتكتب ردود عالفاضي عشان تزيد فانا اول واحدة بقوللك قلته احسن وسيب اللي يكتب ردود يكتب براحته ميبقاش فيه شك في نيته من ناحية الردود وبيتهيالي يار يت تشيله يا رامي احسن هيريح الاعضاء كلهم وانا متفرقش معايا سواء قلتوا اسماء ولا لآ عادي يعني منا فلت ان روحي رياضية ومتفرقش معايا


وعلى فكرة انتوا نسيتوا اللعبة خالص

انا رقم 3.....
وعلفكرة انتوا نسيتوا اللعبة وانا عاوزة العب بقي...
واللى مش عاوز ميلعبش هو حر...
يالا بقي...

ايوة كدة هية دي الناس الدينامو انا بقى


رقم 4

انا اسف جدا انا خارج اللعبة بس لازم اكتب رد على الموضوع اللى كنتوا بتتكلموا فيه محمود طرح ان فى ناس بكتب ردود مش مهمة بس اللى انا شيفة ان محمود نزل فى المنتدى حوالى من10الى 20 موضوع وما شاء الله عدد مساهماته الان 118 يبقى بقى مين اللى بيكتب ردود ياترا انت كنت كاتب نفسك من ضمن الاربعة اللى بيكتبوا ردود ملهش لزمة وكمان عندى توضيح للكلام دا ان فى موضوع فى منتدى فرفشة اسمة استفتاءات اسبوعية انت كتبلى فيه الموضوع جميل جدا انا عارف ان الموضوع جميل بس انا عيزك تصوت فى الموضوع مش تقولى الموضوع جميل جدا وعلى فكرة انا كنت بكتب كلمة الموضوع جميل جدا بس انا دلوقتى مبكتبش ردود خالص الا فى حالة الاسئلة وكمان كان فى حد قال انى بكتب الموضوع وعشان ازود مساهماتى برد على نفسى انا كنت بعمل كدا علشان مكنش فى اعضاء فى المنتدى اما لما المنتدى بقى فى اعضاء مبقتش اعمل كدا وكمان يريت بلاش حكاية لما اى حد يخش يكتب رد يخش اللى كاتب الموضوع يقواه ميرسى على مرورك انا مبكلمش على اللى فات انا بكلم على اللى جى اه وكان يريت يا استاذ محمود لما تبقى تكتب نقد على حد تبقى تاخد بالك
اه كمان فى ملحوظة :انا هعمل حصر لعدد مواضيع وردود اي عضو يتكلم فى الموضوع دا وانا نفسى حد يعملى حصر ليا لعدد مواضيعى وردودى علشان اى حد يتكلم على انى حابب ازود عدد مساهماتى يعرف ايه هى الحقيقة اه وكمان يا محمود انا عارف انى انا ورامى من الاربعة اللى انت كنت بتتكلم عليهم فوق بس معلومة انا ورامى عدد المساهمات بتعنا ملوش لزمة يعنى مبنترقاش وانا اسف مرة اخرى على تعطيل اللعبة

يلا يا جماعة اللعبة مازالت شغالة

شكرا يا محمود على توضيحك لينا
بس يا ريت تشوف منتدى الشكاوي وتقولي رايك وانا لسة في رقم 4

انا رقم 5...
هقول راي فى محمد مجد الدين....عاوزة اقوله انه انسان بجد لذيذ جدا ولطيف خالص..
بس متسرع اوى فى قرارته وحتى تفكيره...بيدى مواضيع كتير اكبر من حجمها...
نظرته بتبقي محدودة ساعات فى مواضيع...
ده ميمنعش انه صاحب شخصية وصاحب تفكير ووجهة نظر ممتازة...
وصاحب جرأة انا بحييه عليها...
ميرسي ليك يامحمد...

الف شكر يا منمن على اهتمامك باللعبة


انا رقم 1

وانا 2..ياغادة ياقمرى

أوك يا أستاذ محمد أنا مواضيعي لا تتخطي ال 10 ودي حاجه أنا عارفها ومساهماتي بقت 118 لاني لما بأرد علي موضوع ببقي أريته فعلا مش زي حضرتك يا راجل دا أنت بتقرأ المواضيع الي انت منزلها بالعافيه وبعدين انا شايف ان فكرة الاستفتاء حلوه فبكتب ردي انها حلوه وعايز أقولك علي حاجه انت عارف كويس أوي اني لو داخل سباق المساهمات ده هكسبوا لأن النت في أيدي ٢٤ ساعه ومتزعلش مني أنت أول واحد دخلت السباق بتاع المساهمات بموقف شخصي بيني وبينك وأنا بطلبك دلوقتي لو عندك الجرأه متمسحش الرد ده زي مبتعمل مع أي رد مبيعجبكش

وبعدين هو انت بتقرأ الغيب عشان تقول أنا ورامي منهم أنا قولتلك امبارح في وشك انك واحد من الأربعه دول لكن محددلكش مين الباقي فقولتلي مش هتفرق معايا أنا ورامي ومني الحكايه دي مش هتفرق معانا عشان احنا مشرفين

لا يا جماعة كفاية كدة بس ...
لغايط هنا وكفاية بغض النظر عن اي حاجة تانية احب اعرف رايكوا في حاجة ادخلوا منتدى الشكاوي وانتوا تعرفوها واحنا لسة في لعبتنا زي محنا يا منايا يا عسل عند رقم 2

وبعدين أنا أنزل كام موضوع دي انت مش شايف انها متخصكش دي حاجه ترجعلي أنا و علي فكره في حاجات تانيه ليك أنا مردتش أذكرها وهقولك كلمه واحده (إذا بليتم فاستتروا)

وبعدين يا أستاذ ياسر أنا ربنا مديني من الجرأه والشجاعه اللي يخليني أقول أسماء الناس اللي أنا قصدها بس كنت عايز هما يعرفوا نفسهم ويغيروا طريقتهم

و يا أستاذ رامي أنا بطلب منك إلغاء عضويتي فورا

يا بني كفاية بقى انتوا مصدقتوا تتخانقوا




على فكرة انا هغير اسم الموضوع دة واسميه خش اتخانق معانا
انسوا بقلا كل الللي حصل وركزوا في اللعبة بس معلش يا منايا يا عسل احنا لسة في رقمك 2

حتى الخلافات وصلت لغايه المنتدى هقول اه اسره النجوم
انا رقم 3

انت جي تلغيى عضويتك هنا يا محمود ولا ايه روح منتدى الشكاوي صرف امورك هناك عشان احتمال نخلع سوا من هنا وتوتة توتة فرغت الحدوتة مش انا قلتلك كفاية خناق وانسي كل حاجة يادي دة موضوع يا ريتني معملته انا جية اخربلكوا المنتدي مكنش راي وانا رديت عليه بكل وضوح مش احنا قلنا دة مكان الصراحة والجرئ ميزعلش من الصراحة لانا زعلت منك ولا من محمد ولا من ياسر ولا من اي حد يبقى اكفي عالخبر مجور ولو لسى زعلان يبقى انا اللي همشي ودة شئ مش بعيد لان لسة شكوتي متردش عليها في منتدي الشكاوى هناك ولو علية لو عايزين متشوفونيش من دلوقتي انا معنديش مانع ومش لازم استنى الرد بس انتوا تامروا بس انا صعبانة عالاصدقاء اللي كونتهم هنا ههههههههواحنا لسة في رقم 2 يا منايا يا عسل

يا جميلة استحملينا هنعمل اصبري شوية بس كل حاجة هتتصلح اوعدك وهترجع زي مكانت اما يجيلي الرد من منتدى الشكاوى

بقيت رقم 3...
وانا بقول 4 يالا بقي...كملوا .زغادة سيبك من اللى بيتخانوقوا وخلينا فى لعبنا .؟..

على رايك خلينا في لعبنا 4......4مفيش مشكلة نعديها

يبقى احنا كدة عند رقم 4 يا منايا يا عسل

رقم 5

ايوة كدة يا يا محمود الظاهر حظك معاك علطول

عايزين بقى منك شخصية وتقول اسمها وتكتب عنها اللي انت عايز تقوله والمرادي اوعدك مفيش زعل واللي هتكتبه محدش هيعلق عليه يلا قول احنا مستنيين